وكالة البيارق الإعلامية
حلت الفنانة الأردنية أميرة نايف ضيفة على برنامج "كلام الناس" المعروض عبر قناة "إم بي سي مصر"، مع المذيعة ياسمين عز، وتحدثت عن كواليس دورها في الفيلم الشهيرة "جاءنا البيان التالي"، أمام النجم محمد هنيدي، وجملته الأبرز: "طالعة إعارة يا حاجة".
وقالت عن الدور: "كنت حاسة بخجل.. مكنتش عارفة أعمل مشهد الإغراء عشان الفنان محمد كامل هو اللي بيقدم الدور قدامي وده زاد من خوفي أكتر، لإن هو جوز خالتي في الحقيقة".
وتابعت أميرة نايف: "كنت زي بنته وبيشيلني على رجله دايما ويجيبلي شيكولاتة، فكنت مكسوفة أعمل الدور ده معاه، بس أخدت تحدي مع نفسي إني لازم اسيطر على الحدث، وقلت للمخرج أستاذ سعيد حامد: ده جوز خالتي، قالي: لأ ده الصحفي اللي معاكي في الفيلم، وزعق فيا قالي عاوز واحدة مسيطرة".
وأوضحت الفنانة أميرة أنها تتمتع بثقافات متعددة لتعلمها في مدارس مصرية، بخلاف سفرها إلى الأردن وسوريا ما ساعدها على قبول أفكار وعادات عدة، أما لكنتها الأساسية فهي المصرية.
وأشارت إلى عدم ميلها لتناول المشاهد الجريئة في الأعمال الفنية، قالت: "قدمت الإغراء في مسلسل الريان وكانوا عاوزين يفصلوا لي حاجات مفتوحة شوية من الصدر، وقلت لهم شوفوا الأداء هيودي لفين".
وتابعت: "الإغراء الطبيعي أكون لابسة قصير، لكن ممكن ألبس طويل بس مجسم إلى جانب الحركة والأداء، وده لأن الفنان لازم يعتمد على كل تفصيلة جواه".
أكتب تعليقك هتا